Tim Cook: Apple do të sjell shërbime të reja këtë vit

  • January 09, 2019 15:00
  • Teknologji

Një thashetheme vitin e kaluar sugjeroi që Apple do të fillojë shërbimin e vet të videove. Në mënyrë të ngjashme me mënyrën se si Apple Music është një konkurrent serioz i Spotify, Apple Videos mund të nënkuptojë konkurrencë serioze për Netflix dhe të tjerët.

Për më shumë, sipas disa vlerësimeve, kjo mund të rris të ardhurat e iPhone për 4.4 miliard $ deri në vitin 2025.

CEO i Apple, Tim Cook tha së fundmi në një intervistë se kompania po përgatit “shërbime të reja” për këtë vit. Ndërsa ai nuk ka specifikuar se çfarë lloj shërbimesh Apple po zhvillon, mund të nënkuptoj shërbimin për pagesat telefonike ose shërbimin televiziv të përfolur.

Apple është në bisedime me prodhuesit e mëdhenj të TV për AirPlay dhe mbështetjen e iTunes. Kjo mund të jetë një qasje që Apple mund të marrë, duke u lejuar pronarëve të smart TV të konsumojnë përmbajtjen e iTunes.

Nga ana tjetër, Apple thuhet se do të investojë mbi 1 miliard dollarë në përmbajtjen origjinale të TV-së, e cila nuk mund të arrihet kudo tjetër në këtë moment.

Megjithatë, ky shërbim televiziv, ose Apple Videos, është vetëm një shërbim, dhe Tim Cook foli për më shumë se një. Ne do të duhet të presim derisa të zbulohen më shumë detaje. /Telegrafi/

Loading...