Nuk ka iPhone 5G në 2019, duhet të presim deri në 2020

  • December 04, 2018 11:00
  • Teknologji

Apple nuk ka plane për të lansuar një iPhone 5G vitin e ardhshëm. Në vend të kësaj, do të duhet të presim deri në vitin 2020 për një iPhone Apple të aftë për t’u lidhur me teknologjinë e re telefonike me shpejtësi të lartë.

Bloomberg ka diskutuar çështjen me “njerëz të afërt me kompaninë”, të cilët refuzojnë të emërohen. Burimet pohojnë se Apple do të presë derisa rrjeti 5G të maturohet dhe stabilizohet përpara se të lansoj një produkt të përputhshëm.

Kjo është një strategji që Apple ka miratuar në të kaluarën, duke lansuar iPhone 3G dhe 4G shumë kohë pas konkurrencës së tyre.

Samsung, OnePlus, Huawei dhe disa prodhues të tjerë tashmë kanë konfirmuar se do të lansojnë telefonat 5G në 2019, me të paktën dy prej tyre që sjellin pajisjet në gjysmën e parë të vitit.

Duke pritur, Apple mund t’u japë rivalëve kryesorë një avantazh të rëndësishëm.

“Apple ka qenë gjithmonë në vonesë me teknologjinë telefonike,” tha analisti Gartner Mark Hung për Bloomberg.

“Ata nuk ishin ndikuar në të kaluarën, por 5G do të jetë shumë më e lehtë për treg. Nëse ata presin përtej 2020, atëherë unë mendoj se ata do të ndikohen”. /Telegrafi/

Loading...