Strakosha mund të transferohet në Angli, Tottenham gati të paguajë për shqiptarin

  • October 11, 2018 16:00
  • Sport

Thomas Strakosha është njëri nga portierët më të mirë dhe më të talentuar në Itali.

Portieri shqiptar ka shkëlqyer në dy vitet e fundit në kampionatin italian dhe në garat evropiane me Lazion.

Lazio duket se nuk do të mund ta mbajë edhe gjatë shqiptarin në radhët e veta.

Lajmet e fundit që vijnë nga Italia thonë se skuadra e madhe angleze Tottenham Hotspur është duke u interesuar për transferimin e shqiptarit.

Strakosha (Getty Images)

Portieri aktual i Spurs, Hugo Lloris nuk ka treguar formën e duhur në muajt e fundit dhe Tottenham po mendon për një zëvendësim të tij.

23-vjeçari shqiptar shihet si e ardhmja dhe Spurs janë gati të shpenzojnë për transferimin e shqiptarit.

Për ta transferuar Strakoshën në Londër, Tottenham duhet të paguajë mbi 40 milionë euro te Lazio, pasi klubi nga kryeqyteti italian kërkon shumë për ta lënë të lirë yllin e tyre.

Strakosha ka kontratë me Lazion deri në qershor të vitit 2022. /Telegrafi/

Loading...