Spyraki rithekson qëndrimin e Demokracisë së Re greke kundër Marrëveshjes së Prespës

  • December 10, 2018 20:00
  • Lajme

Zëdhënësja e partisë opozitare greke “Demokracia e Re”, Maria Spyraki ka deklaruar se të gjitha mjetet kuvendore i kanë në tavolinën e veprimit, në lidhje me mundësinë e një nisme për votëbesim të qeverisë Tsipras.

Sipas saj, deri këtu mund të vij pikërisht për shkak të Marrëveshjes së Prespës, përcjell Telegrafi Maqedoni.

Spyraki shprehet se që në fillim partia e saj e ka kundërshtuar këtë ujdi, duke e konsideruar si të dëmshme për interesat kombëtare greke.

Ajo thekson se deputetët do të përballen me ndërgjegjen e tyre, nëse marrëveshja do të vihet para tyre në Kuvendin e Greqisë.

Eurodeputetja greke vlerëson se dalja e Alexis Tsipras në takime publike paraqetë një tentim të tij për t’u treguar i guximshëm, duke e akuzuar se ai e ka njohur gjuhën maqedonase dhe kombin maqedonas./Telegrafi/

Loading...